Si pasojë e erërave të forta dhe ndryshimit të kushteve atmosferike, tymi toksik në vendgrumbullimin e mbetjeve urbane të Bashkisë së Durrësit, në Porto Romano, është përhapur në disa lagje të Durrësit.
Era ka fuqizuar zjarrin dhe reja e tymit toksik të çliruar nga djegia e mbetjeve, është përhapur në një rreze të gjerë që prej së martës, pothuajse në të gjitha lagjet e pjesës veriore të qytetit.
Reja e zezë e tymit ka qenë e dukshme dhe nga banorët e lagjeve 5 e 18 të Durrësit, disa prej të cilëve kanë përjetuar dhe probleme me frymëmarrjen.
Emergjenca mjedisore është shpallur dhe i gjithë komuniteti kërkon mbylljen e këtij vendgrumbullimi mbetjesh dhe rehabilitimin e zonës, si dhe kthimin e saj në një park të gjelbëruar.
Burimi: Tema
