Pas përfundimit të Big Brother VIP”, Armaldo Kllogjeri është kthyer në personazh të dashur për publikun shqiptar.
Një ditë më parë, ai ishte i ftuar në emisionin “S’e Luan Topi”, ku foli për disa persona, mes tyre familjen dhe ish-banorët e “Big Brother Vip Albania”.
Ai tregoi raportet e veçanta me vajzën e tij të madhe dhe disa copëza nga përditshmëria e tij në rolin e prindit. Gjatë emisionit, nuk mungoi edhe një mesazh nga bashkëshortja e tij.
“Ndihem keq që nuk isha mbështetësja e tij më e madhe kur vendosi që të merrte pjesë në “Big Brother”.
Por ka bërë një lojë shumë të bukur pavarësisht se ishte në një situatë jo shumë të mirë nga statusi, mosha, dhe karriera. Të falënderoj që më ke treguar se çfarë është guximi, të dua shumë!”-shprehet ndër të tjera bashkëshortja e Maestros.
I emocionuar Maestro nuk ka nguruar që të hap zemrën e të flasë për gruan e tij për të cilën ndihet me fat që e ka në krah.
“Jam me fat dhe zoti më ka bekuar me një bashkëshorte si Aida, një vajzë shumë e edukuar nga një familje shumë e mirë e shkolluar. Jeton me durim, më ka falur dy vajza të mrekullueshme më ka dhënë mbështetje pra me pak fjalë është gruaja që ja vlen ta kesh përkrah”.
I pyetur se si janë marrëdhëniet mes tij dhe Luizit, ai përpiqet disa herë ti shmanget pyetjes, por në fund tha se nuk ka asnjë kontakt me to.
“Ai duhet të ndërtojë marrëdhënie, çka do të thotë që me Luizin nuk kam marrëdhënie të mira”- tha Armaldo.
