Ana Ejupi, e eliminuar nga ‘BBVK’, ka ndarë përshtypjet dhe emocionet e saj pas përfundimit të rrugëtimit. Gjatë intervistës në Prime, Ana rrëfeu përvojat e saj brenda shtëpisë, raportin me Kevinin dhe shqetësimet që e shoqëruan gjatë qëndrimit.
“Gjithçka është në rregull. Jam shumë e lumtur,” tha ajo në fillim, duke theksuar se jashtë spektaklit gjithçka ka qenë pozitive.
Më tej ajo shtoi:
“Në fillim, kur mora mesazhin nga motra ime, isha shumë e shqetësuar. Nuk e dija nëse gjërat jashtë ishin mirë apo keq. Por, sapo dola, pashë që çdo gjë ishte në rregull. Mesazhet kanë qenë 90 për qind pozitive. Kam marrë shumë dashuri dhe përkrahje nga njerëzit. Familja ka qenë arsyeja kryesore që kam qëndruar kaq gjatë.”
Sa i përket raportit me Kevinin, Ana ishte e qartë:
“Do të vazhdojmë lidhjen tonë jashtë këtij spektakli. Familja ime e do shumë Kevinin. Malli më merr gjithnjë e më shumë për të.”
