Elon Musk është në rrugën e duhur për t’u bërë trilioneri i parë në botë deri në vitin 2027, sipas një raporti nga Informa Connect Academy.
Pasuria e Musk, e cila është rritur me një normë mesatare vjetore prej 110%, ushqehet kryesisht nga rolet e tij si CEO i Tesla, SpaceX dhe platforma e mediave sociale X (ish Twitter).
Aktualisht i vlerësuar në 251 miliardë dollarë, Musk mban titullin e personit më të pasur në botë sipas Indeksit të Miliarderëve të Bloomberg.
Të tjerët në listë
Pretendentë të tjerë për statusin e trilionerit përfshijnë manjatin indian të biznesit Gautam Adani, CEO i Nvidia Jensen Huang dhe manjatin indonezian të energjisë Prajogo Pangestu.
Raporti përmend se të gjithë ata mund të arrijnë statusin e trilionerëve deri në vitin 2028 nëse pasuria e tyre vazhdon të rritet me ritmet aktuale.
Bernard Arnault, CEO i LVMH dhe Mark Zuckerberg i Metës parashikohet të arrijnë statusin e trilionerit deri në vitin 2030.
Rritja e Musk për t’u bërë trilioneri i parë në botë është shënuar me polemika për mbështetjen e tij të hapur për të djathtën dhe Donald Trump në SHBA.
