Me përhapjen e Covid-19 në vendin tonë, qeveria mori masat e nevojshme për të parandaluar epideminë që e ka çuar në 38 numrin e të infektuarve në Shqipëri.
Sot është dita e tretë e shtetrrethimit, ndërsa gjithkujt i është bërë thirrje të qëndrojë në shtëpi.
Çdo aktivitet publik është pezulluar, janë mbyllur kufinjtë, shkollat, restorantet e lokalet dhe është ndaluar qarkullimi me mjete publike apo personale.
Në llogarinë e tij në Facebook, Rama ka ndarë me ndjekësit një hartë ku tregon sa shpejt ka vepruar Shqipëria në rang europian ndaj Koronavirusit, duke marrë menjëherë pas Italisë masat e nevojshme për parandalim.
“? NË KËTË HARTË QË TREGON KRONOLOGJINË E MBYLLJES SË SHKOLLAVE, MUND TË SHIHET SE SA SHPEJT KA VEPRUAR SHQIPËRIA NË RANG EUROPIAN!”- shkruan Rama.
