Në mbledhjen e sotme të qeverisë, kryeministri Rama është shprehur se nuk do të lejohet që të abuzohet me ndihmat.
Gjithashtu, ai ka theksuar faktin se shumë shpejt qeveria do të miratojë një ligj për ndërtuesit, të cilët do të dënohen nga 7 deri në 15 vite burg nëse bëjnë ndërtime me shkelje.
“Duhet që sot të mos abuzohet me ndihmat, nuk duhet të përfshihet këtu struktura e qeverisë, e këtyre organizatave, por edhe paratë e tyre do të kontrollohen. E patë atë mashtrues që fliste në emrin tim. Tani po flitet për një tjetër grabitje. Fondet do të monitorohen. ‘Unë po shkoj të bëj ca shtëpi aty’…. Ne nuk do kemi tezga, çdo gjë do të kanalizohet dhe të dimë se çfarë do të bëhet. Në tryezë do të përcaktojmë stadarted, do të shikojmë a do të duhet të ndërtohet 4 pallate apo 2. Atyre që po them që si ndërtues që thonë unë do të bëj kaq apartamente, do ju thoni lekë, na duhen lekë, nuk duam tulla me klering, duhet që çdo gjë të jetë e standartizuar dhe transparente.
Kemi edhe një vendim tjetër për tatimin mbi vlerën e shtruar, për materialet që do të përdoren për të rindërtuar, pra çdo mjet apo pasije nuk do të jetë pjesë e TVSH-së. Dua edhe një herë ta përsëris ne jemi maksimalisht të angazhuar, ne do të flasim me vepra, me fakte. Por përgatisim edhe një akt për dënimet. Me 50 viktima, nga ndërtimet e 30 viteve. Burgosjen e çdo individi që merr leje ndërtimi me emrin e tij, që lë pas një ndërtim që ka shkelje . 7 deri në 15 vite për çdo ndërtues, që leja jepet për 3 kate dhe bëjnë 8 kate. Për përgjegjësitë duhet të shohim invetarin njëherë. Burg për ndërtuesin, burg për akitektin dhe burg për supervizorin. Arkitektët duhet të denoncojnë pronarin e tyre në rast shkelje, kur i thotë më bëj një kat tjetër lale, janë bashkëpunëtorë.”- u shpreh Rama.
Burimi: Dosja.al
