Dashurinë e tij për jugun kryeministri Edi Rama e ka shprehur gjithmonë. Ai ia ka ushqyer këtë ndjenjë të tijën edhe djalit të tij 2-vjeçar, Zahos. Ndërsa ndau një fotografi me vogëlushin e tij, kryeministri u shfaq duke darkuar në restorant, ku i ulur në karrige qëndronte dhe i biri, ndërsa mbishkrimi thoshte: “We love Himara”.
Por cilat janë ushqimet e preferuara të familjes kryeministrore? Janë gatimet bio.
Vetë pronari i restorantit që frekuentohet nga Rama, zbuloni pak kohë më parë se çfarë konsumon më shumë familja e tij gjatë një interviste për “ABC News”.
“Kryeministri është një klient i rëndësishëm. Ai preferon ushqimet bio. E kemi mirëpritur çdo herë që ka ardhur. Para tre katër vitesh erdhi për herë të parë. Ne i kemi shërbyer mirë dhe ai ka ngelur i kënaqur. Është hera e parë që e shoh me Zahon në restorant. Kryeministri është i thjeshtë në porosi dhe shumë i këndshëm si prind. Preferon të hajë mirë. Kryeministri preferon të hajë ushqime bio, që i mbledhim nga bahçja, pëlqen shumë edhe ushqimet krudo dhe peshkun e freskët”, u shpreh ai.
