Keni menduar ku doni t’i bëni pushimet këtë vit? Kufizoheni nga buxheti? Atëherë Lisbona është vendi ideal, ku mund të pushoni lirë dhe të shijoni bukurinë e saj. Ajo kapërceu 9 vende në kategorinë e qyteteve më të bukur në botë, sipas “Telegraph Travel Aëards”. Popullariteti i kryeqytetit portugez është çdo vit në rritje, kjo ndoshta sepse është qyteti më i lirë në Europën Perëndimore. Nëse nuk ju mjafton fakti që është i lirë dhe shumë i bukur, lexoni më poshtë disa arsye pse duhet ta vizitoni.
Më shumë diell se kudo
I vendosur në skajin më perëndimor të Europës, Lisbona është kryeqyteti me më shumë diell i kontinentit. Mesatarisht ka rreth 2799 orë diell në vit, duke lënë pas Athinën me 2771 orë. Kjo do të thotë më shumë plazh.
Plazhet e Lisbonës
Vetëm 30 minuta larg qendrës së qytetit është Praia de Guincho (plazhi Guincho). Oqeani Atlantik njihet për erërat e forta të veriut gjatë muajve Qershor-Gusht, prandaj ky plazh është perfekt për të provuar eksperiencën e surfing, ëindsurfing dhe kitesurfing.
Sintra
Qyteza aristokrate shtrihet ngrihet mbi një kodër në perëndim të Lisbonës. Është një nga atraksionet më të vizituara në Lisbonë, kryesisht nga turistët një-ditor. Treni për në Sintra niset nga stacioni Rossio çdo 20 minuta dhe rruga zgjat rreth 40 minuta.
Tramet
Qyteti mbështet ende tramvajet e vjetër. Vetëm duke i parë kënaqesh. Gjithsesi, janë funksional, kështu që nuk duhet ta humbni një shëtitje nëpër rrugicat e ngushta dhe të pjerrëta të Lisbonës. Është mënyra më e mirë për të parë qytetin.
Port dhe Francesinha
Port ose Porto është pija karakteristike portugeze dhe gjendet me bollëk në të gjithë qytetin. Ndërsa francesinha është sanduiçi më i shijshëm dhe më interesant që do të provoni ndonjëherë.
Burimi: Brightside
