Lajme të ëmbla kemi nga familja e regjisorit të njohur Quentin Tarantino. Ai dhe bashkëshortja e tij, Daniella Pick së shpejti do të mirëpresin fëmijën e tyrë të dytë.
Lajmi u konfirmua nga E!News dhe pritet që fëmija i tyre, Leo të jetë vëllai i madh për të voglin që pritet të vijë në jetë. Gazeta izraelite ‘Yedioth Ahronoth’ ishte e para që lajmëroi për pritjen e ëmbël të këngëtares, e cila pritet të lindë këto muaj në vijim. Gjinia e foshnjës akoma nuk është bërë e ditur.
Rikujtojmë që Tarantino dhe partnerja e tij e cila është e bija e këngëtarit të njohur izraelit Svika Pick kurorëzuan dashurinë e tyre në martesë në vitin 2018 në shtëpinë e tyre në Beverly Hills, Kaliforni. Këto dy vitet e fundit ata po bashkëjetojnë në Tel Aviv të Izraelit, pikërisht aty ky gruaja e tij sollli në jetë fëmijën e tyre të parë. Përsa i përket emrit të këtij të fundit, Tarantino është shprehur për Jimmy Kimmel Live:
“Ne për pak sa nuk ndryshuam mendim t’ia vendosnim emrin Leo djalit, pasi njerëzit do të kujtonin se jemi inspiruar nga Leonardo Di Caprio. Këtu nuk ka asgjë të keqe, por thjesht nuk dëshiroja. Fëmija ynë ka trashëguar emrin e gjyshit të mamasë së tij, por edhe për faktin se ai është një “luan” i vogël në zemrat tona”, u shpreh Tarantino.
Quentin Tarantino ka rrëfyer se ka një marrëdhënie të ngushtë me djalin e tij të vogël, i cili mbush 2 vjeç së shpejti. Madje, ata po mësojnë të dy gjuhën hebre duke u shprehur se po mëson më tepër nga djali pasi shikon gjatë gjithë kohës filma vizatimorë në atë gjuhë.
