Kryeministri Edi Rama, nëpërmjet një videoje live në Facebook, ka sqaruar aktin normativ të vendosur sot për të gjithë qiradhënësit dhe qiramarrësit.
Ai sqaroi se qeratë nuk do të falen, por do të shtyhen për dy muan, prillin dhe majin.
Ato do të paguhen pas muajit maj nëpërmjet një marrëdhëveshjeje që do të vendosin me qiradhënësit.
Në këtë përfitojnë të gjitha bizneset e vogla apo personat që i është mbyllur puna për shkak të epidemisë, po ashtu edhe studentët, nuk do të paguajnë qira gjatë kësaj periudhe.
-Si do funksionojnë mospagimi i qirave, a ndërhyn shteti në ndërmarrje private?
Rama: Të gjithë qiramarrësit individë që kanë kontratë qeraje apo dokument tjetër kontraktor, para shpalljes së gjendjes së epidemisë dhe kanë kontratë pune por e kanë pezulluar apo zgjidhur si pasojë e situatë së Covid-19 nuk do e paguajnë detyrimin e qerasë për dy muaj. Po kështu qiramarrësit studentë, nuk do e paguajnë qiranë për dy muaj, prill dhe maj. Po kështu, sipërmarësit persona fizike me të ardhura deri në 14 milionë në vit, biznesi i vogël të gjithë që kanë kontrate materiale që kanë probleme nuk do paguajnë detyrimin e qirasë. Më pas detyrimi i prapambetur i këtyre dy muajve do paguhet nga qiramarrësi në mënyrë proporcianale dhe të dakorduësuar me qiradhënësin pas muajit maj 2020. Qiradhënësit do ndëshkohen nëse nuk respektojnë aktin normative. Tatimet do ndjekin për të zbatuar pikat dhe do nxjerrin direktivat.
Po kur nuk kanë letra?
Marrëdhënia qiramarrës qiradhënës nuk është strikte e bazuar në bazë të noterit, ka që janë me noter ka që janë me shtrëngim dore, Mjafton që personat të cilët kanë një nga këto marrëveshje dhe ne i kemi këto kategori të jenë me qira të deklaruar, që për këtë qira është paguar një detyrim të gjithë përfitojnë.
Pra qiraja falet dhe shtyhet më pas, kush do e zgjidhë këtë shteti?
Ky akt nuk nënkupton favorizimin e qiramarrësit në dëm të qiradhënësit. Kjo është për të rregulluar një marrëdhënie duke u dhënë mudnësi atyre që janë më në hall, pensionistet, famijet me ndihmë ekonomike bizneset e vogla dhe ata që duan të shkojnë në punë por nuk shkojnë dot sepse kompania i thotë nuk mund të vish. Këta kanë hall.
Mes palëve bëhet një marrëveshje proporcionale deri në fund të kontratës. Ka individë të cilët janë qiradhënës dhe atë qira që marrin e kanë bazike. Këta individë janë kategori më vete. Për këta do kemi përgjigje specifike, se nuk konsiderohen që duhet të sakrifikojnë për të tjerët, por që duhen ndihmuar.
