Apartamenti në Tiranë, në të cilën banon me qira kryeprokurorja e Përkohshme, Arta Marku, do të paguhet nga buxheti i shtetit. Sipas vendimit të marrë nga Këshilli i Ministrave të mërkurën, qiraja e banesës së saj nuk do të paguhet nga ajo.
Këshilli i Ministrave vendosi që Arta Marku të përfitojë një fond ekstra nga buxheti i Prokurorisë së Përgjithshme prej 35.000 lekësh çdo muaj, për të paguar “qiranë e banesës në Tiranë”.
Sipas VKM-së, që mban firmën e kryeministrit Edi Rama, shuma monetare do t’i jepet Kryeprokurores së Përkohshme, për aq kohë sa ajo do të mbajë këtë post.
“Pagesa e kompensimit, deri në përfundim të periudhës së përkohshme, sipas pikës 1, të këtij vendimi, të kryhet çdo muaj, me fondet e buxhetit të miratuar për vitin 2018 për Prokurorinë e Përgjithshme”, thuhet në VKM.
