Princi Harry dhe e fejuara e tij amerikane, Meghan Markle, duan të ftojnë ish-presidentin Barak Obama dhe ish-Zonjën e Parë Michelle Obama në martesën e tyre në maj, por zyrtarët qeveritarë në Mbretërinë e Bashkuar janë të shqetësuar se një veprim i tillë mund të zemërojë presidentin e tanishëm të SHBA-ve.
Një raport i lëshuar në ditën e Krishtlindjeve nga “The Sun” pohon se princi 33-vjeçar dhe bashkëshortja e tij e ardhshme, shpresojnë të ftojnë Obamën, por jo banuesit aktualë të Shtëpisë së Bardhë.
“Harry e ka bërë të qartë se ai dëshiron Obamën në martesë, kështu që kjo po shkakton shumë nervozitet”, tha një zyrtar i lartë i qeverisë për “The Sun”.
“Trump mund të reagojë shumë keq nëse Obama do të marrë pjesë një martesë mbretërore, para se ai të ketë një shans për të takuar Mbretëreshën”.
Dasma nuk do t’i nënshtrohet rregullave të plota të një dasme shtetërore, por qeveria do të luajë një “rol konsultativ” dhe mund të bëjë presion të rëndësishëm në Pallatin Buckingham – i cili po kontrollon listën e të ftuarve – për ta mbajtur Obamën jashtë listës nëse kjo gjë ka ndikime të dëmshme në marrëdhëniet ndërkombëtare midis dy vendeve.
Marrëdhënia midis Britanisë dhe SHBA-së ka qenë e akullt në muajt e fundit, me ligjbërësit britanikë që vazhdimisht kritikojnë presidentin lidhur me komentet dhe veprimet e tij të ndryshme. Kryebashkiaku i Londrës ka thënë se presidenti amerikan nuk duhet të ftohet për një vizitë zyrtare shtetërore.
Burimi: Yahoo.com
