Mbrëmja e sotme në “Për’puthen PRIME” duket se ka qenë disi e paqtë nga debatet, aq më tepër për dy nga konkurrentët e përfolur Mikela dhe Erjoni.
Ata janë diskutuar shumë për marrëdhëniem e tyre, e cila në nisje të saj u duk sikur do përfundonte menjëherë në një lidhje, mirëpo me kalimin e kohës ata patën një krisje që e ndërlikoi shumë situatën.
Kështu, sot Mikela dhe Erjoni kanë patur një përballje në “Prime”, ku diskutuan të gjithë situatën e tyre.
Erjoni u shpreh fillimisht se Mikela është një nga pëlqimet e tij kryesore.
“Ke qenë dhe do të mbetesh një nga pëlqimet e mia kryesore. Kanë ndodhur shumë situata të ndryshme që nuk kam ditur t’i menaxhoj.
Ajo që me intereson është ajo që do të ndpdhë me marrëdhënien tpnë që nisi shumë bukur por pati një krisje që e ndryshoi shumë situatën tonë.”-u shpreh ai.
Nga ana tjetër, Mikela ka vendosur t’i kërkojë falje Erjonit për shpërthimet e saj.
“Pavarësisht agravimeve të mija, gjithë reagimet që kam bërë, shpërthimet, qoftë dhe shumplakat, ti kurrë nuk më ke hedhur poshtë. Dua të të kërkoj ndjesë që te kam thënë që nuk je burrë.”
Ndërkohë, ata vendosën të dalin në takim së bashku javën e ardhshme.
