Italia ka miratuar një ndryshim të madh në rregullat e udhëtimit ajror, duke lejuar që qentë e përmasave mesatare dhe të mëdha të qëndrojnë pranë pronarëve të tyre gjatë fluturimeve, brenda kabinës së avionit.
Ky vendim, i miratuar nga Autoriteti Italian i Aviacionit Civil (ENAC), parashikon që kafsha të vendoset në një kafaz të posaçëm mbi sedilje dhe të sigurohet mirë me rrip sigurimi ose sisteme të tjera mbrojtëse.
Ndryshe nga shumë vende të tjera, nuk është vendosur një kufi fiks për peshën e qenit – mjafton që pesha totale e kafshës me kafaz të mos e kalojë atë që konsiderohet normale për një pasagjer.
Ky vendim i ri është përshëndetur nga shumë dashamirës të kafshëve, të cilët tani mund të udhëtojnë me katërputroshët e tyre pa stresin e ndarjes nëpër ndarje bagazhi.
