Ish-banorja e edicionit të 8 të “Big Brother Albania”, Alba Çobaj ka rezervuar disa surpriza për publikun shqiptar!
Pak kohë më parë, ajo u shkëput nga ekrani dhe hoqi dorë nga moderimi, ndërsa tani ky vendim i saji ka marrë kuptim.
Alba jo vetëm që e ka gjetur partnerin e jetës dhe ka shijuar në fshehtësi romancën për 3 vite, por madje është fejuar, është martuar dhe tashmë do të bëhet mama!
Në një rrëfim për “Revistën Class”, ish-banorja tregon se është në muajin e 9 të pritjes së ëmbël dhe do të sjellë në jetë një vajzë.
“Po e përjetoj si çdo vajzë që bëhet nënë për herë të parë. E lumtur, në ankth dhe në pritje.
Jam në muajin e nëntë dhe presim lumturisht një vajzë. Sigurisht që ka pasur dhe vështirësi sidomos të përjetosh tërmete, pandemi e karantina në muajt më të bukur për një femër. Megjithatë, ia kemi dalë më së miri dhe mezi pres të kem në krahë të voglën tonë.”- rrëfen Alba.
https://www.instagram.com/p/CALBKkRpGLc/
Ajo dhe bashkëshorti i saj, Migeni, janë bashkë prej 3 vitesh, janë fejuar në muajin maj të vitit 2019 dhe në muajin tetor janë kurorëzuar me martesë.
Megjithatë, Alba preferon ta mbajë të fshehtë partnerin nga mediat, siç ka bërë gjatë gjithë kësaj kohe.
Unë dhe partneri im Migeni, aktualisht bashkëshorti, jemi së bashku prej gati tre vitesh dhe le të themi që kemi ndjekur etapat sipas radhës dhe kemi marrë kohën tonë për çdo veprim. I kemi bërë gjërat kur i kemi ndjerë pa u ndikuar nga asnjë rrethanë. Në maj të 2019-ës ne u fejuam dhe në tetor jemi martuar. Ndërkohë kishim të dy dëshirë të bëheshim prindër dhe Zoti na bekoi me një vajzë që gëzon shëndet të plotë. Besoj se kaq mjafton që të jemi të lumtur e të plotësuar. Nuk kam dashur ta bëj publike deri në momentin e lindjes meqë jam pak supersticioze. Megjithatë duke qenë se jam drejt fundit, vendosa ta ndaj me ju këtë lajm që sigurisht për mua është më i bukuri. Dhe pse vetë jam person publik kjo nuk do të thotë që duhet të bëja publik dhe pjesëtarët e tjerë të familjes, siç është në këtë rast bashkëshorti. Kemi vendosur që ta shijojmë për vete gjithçka, siç shijuam të gjitha etapat e lartpërmendura.” – shprehet ajo.
Megjithëse nga televizioni është shkëputur për shkak të shtatzënisë, ish-banorja tregon se mendon të kthehet në një moment të dytë, pasi mëmësia për të tashmë është parësore.
Bebushi pritet të vijë në jetë në fillim të muajit qershor, ndërsa emrin të voglës ia kanë gjetur që në muajin e 4 të shtatzënisë.
Megjithatë, ende nuk kanë ndërmend ta tregojnë derisa të lindë.
