Ditën e djeshme u zbulua se Khloe Kardashian nuk i ka shpëtuar koronavirusit dhe duket se ajo nuk ka qenë në gjendje aspak të mirë shëndetësore. Ky lajm u konfirmua ekskluzisvisht për “E! News” dhe thuhet se Khloe është infektuar në fillim të këtij viti.
“Sapo zbulova se kam korona. Kam qëndruar në dhomën time. Do të jem mirë, por për disa ditë kam qenë shumë keq”, është shprehur Khloe në një video. Ndërkohë ajo ka zbuluar edhe simptomat e saj duke përfshirë të vjellat, kollitje, dridhje si dhe dhimbje koke, duke shtuar se ishte ndryshe nga migrena e saj e zakonshme. (Kliko)
Së fundmi ajo ka folur në lidhje me traumën që ka kaluar, për shkak se i është dashur të ndahet nga vogëlushja e saj, True. Khloe ka folur për emisionin e Ellen DeGeneres dhe ka shpjeguar se pjesa më e keqe e këtij kalvari ishte se nuk mund të shihte vogëlushen e saj për shumë se 2 javë, ndërkohë që luftonte e vetme kundër virusit.
“Të largohesh nga fëmija, sepse unë nuk mund të rrija pranë vajzës sime, ishte gjëja më e dhimbshme. Në fillim u testova pozitive dhe ishte shumë e frikshme. Është ende e frikshme, por veçanërisht atëherë, kur e gjithë bota po mbyllej dhe ne nuk kishim asnjë lloj informacioni dhe ato pak informacione që kishim ndryshonin çdo ditë”, ka treguar Khloe. Ajo ka shtuar se për shkak të kësaj ka qenë e detyruar të qëndronte e vetme në një dhomë për 16 ditë.
