Të gjithë u gëzuam që Dua Lipa fitoi dy nga çmimet më të rëndësishme në “Grammy Awards”, të dielën e kaluar. Por reagimi i këtij këngëtari shqiptar është shumë i veçantë, pasi edhe ka derdhur lot gëzimi.
Pavarësisht se nuk e dinim më parë, pjesë e ceremonisë së ndarjes së çmimeve ka qenë edhe artisti Durim Morina, i njohur me emrin e artit Mirud.
I pyerur nga ndjekësit nëse ishte krenare për fitoret e këngëtares shqiptare, ai u përgjigj:
“Normalisht që po. Kam bërtitur me aq fuqi sa kisha dhe lot më dolën nga gëzimi që fitoi Dua Lipa”.
Ndërsa një tjetër ndjekës ishte kurioz për lidhjen e tij me këngëtaren dhe Mirud tregon:
“Kam folur me Duan disa herë. Por për sa kohë që nuk jam aq i famshëm, ajo më së shumti mund të më injorojë”.
Kujtojmë se së fundmi Mirud ishte në Shqipëri, pasi mori pjesë në Festivalin e RTSH-së me këngën “Nënë”. Ai jeton prej rreth 8 vitesh në SHBA dhe duket se po hyn në tregun amerikan të muzikës, ku arriti suksesin më të madh me këngën “Puzzle”.
Burimi: Instagram
