Që nga dita e ditëlindjes së saj kur dhe publikoi foton e parë “zyrtare” që konfirmonte lidhjen me Ben Affleck, Jennifer Lopez nuk heziton më që të tregojë gjithë dashurinë që ka për partnerin e saj.
Çifti i famshëm po shijon pushimet në Capri në një jaht luksoz teksa ato janë fotografuar në momente intime. Si dy zogj të dashuruar, ato shihen teksa shkëmbejnë puthje dhe përqafime.
J.Lo zgjodhi të vishte një palë pantallona të bardha të gjera dhe një crop top të bardhë me vija të kuqe.
Kujtojmë se pasi festoi 52-vjetorin e lindjes në një jaht me Ben në Saint-Tropez, J.Lo u shfaq në Monaco ditën e hënë me një varëse floriri që formonte me shkronja emrin “BEN”. Këtej e tutje Jennifer-it nuk do i duhet të flasë shumë për dashurinë e saj ndaj Ben Affleck, sepse ky veprim i tregon të gjitha.
Kjo nuk është hera e parë në fakt që Jennifer dhe Ben tregojnë dashurinë e tyre përmes bizhuterive. Në muajin maj Affleck u shfaq me të njëjtën orë që mbajti gjatë xhirimeve të këngës “Jenny From the Block”, duke treguar në një mënyrë se ata ishin rikthyer sërish me njëri-tjetrin.
Lopez u rikthye sërish në krahët e Affleck në muajin prill, vetëm pak kohë pasi ndarjes nga Alex Rodriguez.
