Ajo krijoi një lidhje gjatë edicionit të tetë të “Big Brother”, por menjëherë sapo dolën nga shtëpia gjithçka përfundoi me aq.
Alba Çobaj dhe Diedon Musa i dhanë “lamtumirë” lidhjes së tyre dhe pak kohë më pas ish-konkurrentja na prezantoi me partnerin e saj të ri, Enea Lloci.
Djali, i cili në atë kohë mori famë nga partnerja e tij, jetonte në Itali, ndërsa çifti vazhdonte romancën në distancë.
“Lidhja po shkon shumë mirë. Për momentin po përballojmë distancën, pasi ai është në Itali e unë në Shqipëri. Normalisht që kjo gjë nuk do të jetë përgjithmonë sepse do të vijë momenti i duhur që ne do të rrimë bashkë. Dhe gjërat e mira vijnë avash-avash. Për martesë e fëmijë është ende herët. E rëndësishme është që të jemi bashkë, pra jo të larguar. Pjesa tjetër vjen natyrshëm më pas”, u shpreh në mars të 2017-s Alba, gjatë një interviste.
Por tani 10 muaj më vonë çfarë ka ndodhur me çiftin?
“Iconstyle.al” ka siguruar një foto të Alba Çobajt në një puthje pasionante me një mashkull në natën e ndërrimit të viteve. Ish-konkurrentja e “Big Brother” kishte mbuluar fytyrën e të dashurit, ndërsa në foton e publikuar në “Instastory” shkruante: “Dhurata ime e Vitit të Ri”.
Në profilin e saj të “Instagram”-it nuk gjejmë asnjë gjurmë të lidhjes së saj me Enean. Dedikimet apo urimet për këtë të fundit duket se janë fshirë nga rrjeti social.
Të njëjtin vendim ka marrë edhe ai për fotot në çift me Albën në profilin e tij në “Instagram”.
Gjithsesi nuk dimë se kush është mashkulli misterioz dhe çfarë ka ndodhur mes çiftit!
