Alfio Rrotani dhe Fatma Methasani kanë përshëndetur fansat e tyre me një video mjaft romantike që e kanë publikuar me rastin e Shën Valentinit.
Çifti shfaqet duke pozuar për Revistën Who, ndërsa në sfond nuk mungojnë tullumbacet e kuqe në formë zemrash.
“Gëzuar për dashurinë”, shkruan Alfio teksa publikon videon e këndshme.
Në fund të saj gjërat bëhen akoma dhe më romantike, pasi Alfio dhe Fatma shfaqen të shtrirë me fytyrat pranë, ndërsa i dhurojnë njëri-tjetrit puthje dhe përkëdhelje!
Fatma Methasani dhe Alfio Rrotani arritën që ta mbanin të fshehtë lidhjen prej 2 vitesh, para se gjërat të bëheshin serioze dhe publike.
Në dhjetor “Iconstyle.al” kontaktoi me Fatmën për të ditur planet e tyre për martesë, ku ajo me shaka u shpreh se duhej të pyesnim Alfion.
“Akoma nuk kemi plane, do kohë ajo punë”, tha Fatma, më pas duke bërë me dije se çifti kanë ndër mend të shijojnë vetëm bashkëjetesën.
