Ndarja e Sara Hoxhës dhe Ledri Vulës ka marrë një vëmendje të madhe nga ndjekësit, megjithëse asnjëri prej tyre nuk e ka pranuar ende këtë.
I ftuar në emisionin “Natën me Aulonën”, aktori Roerd Toçe, ka folur për eksperiencën e tij gjatë xhirimit të filmit “Në Kuadër të Dashurisë”.
Në filmin ai kishte rolin sikur kishte simpati për Sarën, ku kanë shkëmbyer edhe disa puthje.
Aulona e pyet se si ndihet kur ai përmend fjalën puthje, pasi në media është përfolur që Ledri nuk ishte në dijeni për puthjen që ata të dy do të shkëmbenin dhe kjo është arsyeja që janë ndarë.
“Larg qoftë! Të gjykosh një aktor pse shkëmbeu një puthje është si t’i thuash pse fole në film. Roli, skenari dhe teksti janë të tilla, regjisori ka detyrë të të japë një rol që të ndihesh sa më komfort që të transmetohet mirë tek publiku. Sara e ka arritur këtë”, u shpreh Roerdi.
Roerdi e mohon totalisht se kjo mund të jetë një arsye se pse ata të dy janë ndarë sepse në film këto gjëra janë normale.
