Mund ta cilësoni një gjest të pahijshëm dhe të pavend, por Nicole Kidman ka një sqarim pse puthi në buzë kolegun Alexander Skarsgard, gjatë çmimeve “Emmy”. Për më tepër e gjitha kjo ndodhi para syve të bashkëshortit të saj, i cili e duartrokiti veprimin.
Por deri më sot nuk e kuptuam arsyen përse aktorja 50-vjeçare duhet ta uronte në këtë formë kolegun e saj. Ekzistojnë mënyra nga më të ndryshmet për të uruar dikë, por Kidman zgjodhi puthjen në buzë dhe prania e bashkëshortit nuk e pengoi aspak për ta bërë këtë.
Gjatë një interviste për emisionin “The Graham Norton Show”, aktorja ka treguar se ku qëndron ndryshimi mes puthjes që bëri me Alex dhe asaj me bashkëshortin e saj, Keith Urban.
“Po e putha Alex. Ju duhet të kuptoni që unë kam bërë gjithçka me të. Unë kam një bashkëshort të mrekullueshëm, të mahnitshëm, që më mbështet e që e dua më shumë se çdo gjë në botë. Dhe unë i dhashë Alex një puthje urimi dhe ai ishte si një manekin”, tregon ajo.
Burimi: Daily Mail
