Zgjedhja e Mateos si banori më i preferuar nga publiku, në ‘prime’-in e së martës ka shkaktuar debate dhe tension mes banorëve në shtëpinë më të ndjekur në vend. Ky televotim ka rikthyer në qendër të vëmendjes diskutimin për motivet e zgjedhjes së banorit dhe ka ndezur polemika brenda shtëpisë.
Sipas Mirit, Mateo u zgjodh i preferuar për shkak të historisë që ai kishte me Brikenën, ndërsa Rogerti e ka interpretuar këtë zgjedhje ndryshe, duke thënë se “Mateos i ka hyrë vetja në qejf me një televotim që zgjati 1-2 orë”. Miri shtoi se Mateo kishte hyrë në lojë me qëllimin për t’u afruar me Brikenën, por sipas tij, Brikena nuk e kishte pranuar këtë dhe reagimi i saj kishte qenë kritik ndaj tij. “Ka parë Brikenën dhe ka hyrë me qëllimin ‘dua të lidhem me këtë vajzë’. Brikena nuk ia vari fare dhe hyri në lojë duke na sulmuar pasi e pa që nuk kishte histori dashurie. Njerëzit duan të dinë sa e pastër është kjo histori dashurie. Sa për gjuhën e përdorur do ta injorojnë në vazhdim”, ka thënë Miri, duke shtuar se përplasja mes banorëve nuk ishte vetëm për publikun, por edhe për mënyrën se si Mateo e interpretoi lojën dhe marrëdhënien me Brikenën.
Ndërkohë, në mbrojtje të Mateos ka dalë vetë Brikena, e cila ka theksuar se reagimi i banorëve të tjerë lidhej më shumë me xhelozinë dhe inatin. “Momentin që u zgjodh Mateo i preferuar, banorët e tjerë kanë plasur nga inati. Mateo u zgjodh se është njeri i sinqertë, jo për historinë me mua”, ka thënë ajo. Komentet e Brikenës synojnë të qetësojnë debatet dhe të vendosin në fokus sinqeritetin dhe karakterin e Mateos si faktor kryesor të zgjedhjes nga publiku.
