Njëri nga themeluesit e kompanisë muzikore “On Air Music”, është vënë në pranga, pas padisë së menaxherit të këngëtares Era Istrefi.
Kushtrim Morina, akuzohet për cënim të të drejtave të autorit, pasi Faton Shoshi, që menaxhon këngëtaren e ka akuzuar, për shpërndarjen e këngës së saj të re, pa dalë ende në mënyrë zyrtare, më 24 shkurt siç është caktuar.
Policia e Kosovës ka marrë në pyetje Kushtrim Morinën , i cili ka pranuar se ka përdorur userin e kompanisë që e menaxhon “ON AIR” dhe ka hyrë në CONTENT MANAGER, ku ka shkarkuar këngën e re të Era Istrefit , ende e pa publikuar dhe përmes një linku ua ka dërguar shokëve të tij.
Policia po ashtu ka konfiskuar disa kompjuterë, si dhe telefona, që janë dërguar për ekzaminim nga njësia e Kibernetikës.
