Noizy prej disa ditësh është zhvendosur në SHBA ku po zhvillon një tur koncertesh në disa qytete të ndryshme. Dy ditë më parë ai mbajti një koncert në New York, i cili u shoqëruar me disa trazira.
Në rrjetet sociale po qarkullon një video e këtij konflikti, megjithëse Noizy nuk duket në asnjë cep të saj. Sipas zërave që qarkullojnë Noizy është sulmuar nga një grup rival i quajtur “CFE” dhe nga reperi Don Phenom.
Thuhet se reperi shqiptar u mbrojt nga sigurimi i lokalit dhe policia e New York-ut. Nga ana e Noizy-t nuk ka ende asnjë reagim, por një postim i tij i fundit në “Instagram” na fut në mendime. Pse nuk i takoi fansat, pse iu kërkon ndjesë?
“Një nga koncertet më të bukura të karrierës ishte në NY, ju kërkoj ndjesë fansave që nuk munda t’i takoj të gjithë, pasi shumë prej tyre më kanë pritur jashtë deri vonë dhe në fund as nuk u pamë dot…”: shkruan Noizy në “Instagram”.
