Në muajin korrik të vitit 2019, Petrit Lekaj vrau me thikë vajzën e tij 20-vjeçare, Sabrinën, pasi ajo e kishte kaluar natën në një club.
Rreth një vit pas tragjedisë, Lekaj ka rrëfyer me detaje krimin para policisë, duke u shprehur se nuk kishte dashur t’i merrte jetën të bijës por vetëm ta trembte atë.
Gjithashtu, Gjykata e Australisë ka bërë publike bisedën e 47-vjeçarit me policinë menjëherë pasi i ka marrë jetën të bijës me thikë në makinë.
Policia: Mund të më thuash çfarë ndodhi, ndoshta mund të vijmë tek vajza dhe ta ndihmojmë.
Lekaj: Jo, ajo iku…iku.
Policia: Jam një oficer policie, a mund të flasësh me mua?
Lekaj: Thjesht po pres që të vdes.
Policia: Nuk duam që t’ju ndodhë diçka e tillë, duam që t’ju sjellim dikë që të flasë me ju dhe të shohë nëse mund t’ju ndihmojë, ju lutem.
Lekaj: Nuk dua asnjë lloj ndihme. Dua vetëm… Nuk dua ndihmë.
Policia: Shok, do doja vërtetë të sjell oficerët e policisë që të flasin me ty dhe mund ta zgjidhim nga aty.
Lekaj: Ok.
Policia: Ku ndodhesh shoku im?
Lekaj: Nuk jam i sigurt… nuk jam i sigurt vërtet.
Pasi policia ka arritur të gjejë Petrit Lekajn, ai nuk ka ndaluar por ka vazhduar t’i japë makinës me trupin e pajetë të vajzës së tij 20-vjeçare në sediljen e pasagjerit.
