Vin Diesel u shpall aktori më i paguar i vitit 2017 nga ‘Forbes’, pasi filmat e tij grumbulluan 1.6 miliard dollarë nga shitja globale e biletave.
Ylli 50 vjeçar u shfaq në tri projekte kryesore – “Fate and the Furious” (1.2 miliard dollarë), “Guardians of the Galaxy Vol. 2” (863.7 milionë dollarë), dhe “xXx: Return of Xander Cage” (346.1 milionë dollarë), shkruan DailyMail.
Kumbari i lindur në Kaliforni mundi shokun e tij dhe dikur rivalin – Dwayne ‘The Rock’ Johnson, i cili u rendit në vendin e dytë me 1.5 miliardë dollarë fitime, por ende teknikisht fiton më shumë se ai.
Gal Gadot grumbulloi plot 1.4 miliardë dollarë për rolin e saj rekord në Wonder Woman.
Ylli i ‘Harry Potter’, Emma Watson u rendit e katërta me 1.3 miliardë dollarë, ndërsa Johnny Depp dhe Daisy Ridley u renditën në vendin e pestë dhe gjashtë me 1.1 miliardë dollarë dhe 1.08 miliardë dollarë respektivisht.
Tom Holand, i njohur për rolin e tij si “Spider-Man” siguroi 888 milionë dollarë.
Chris Hemsworth i njohur nga filmi “Thor” ka grumbulluar 845 milionë dollarë fitime, dhe John Boyega përmbyll listën me 815 milionë dollarë fitime.
Kjo është lista e aktorëve më të paguar për vitin 2017:
Vin Diesel (1.6 miliard dollarë)
Dwayne Johnson (1.5 miliard dollarë)
Gal Gadot (1.4 miliard dollarë)
Emma Watson (1.3 miliard dollarë)
Johnny Depp (1.1 miliard dollarë)
Daisy Ridley (1.08 miliard dollarë)
Tom Holland (888 milionë dollarë)
Chris Pratt (864 milionë dollarë)
Chris Hemsworth (845 milionë dollarë)
John Boyega (815 milion dollarë).
