Pritjes i erdhi fundi.
Alban Skënderaj dhe Arilena Ara kanë publikuar bashkëpunimin e tyre më të ri dhe të parë që titullohet “Aisheh”. Të gjithë kishim kohë që mezi e prisnim një bashkëpunim të tillë dhe më në fund erdhi.
Dy artistët kanë krijuar një projekt enkas për këtë periudhë të vështirë kur të gjithë kemi nevojë për motivim e forcë.
Videoklipi është regjistruar në disa prej zonave turistike më të bukura të Kosovës dhe lidhet pikërisht me fabulën e këngës. Dy këngëtarët i këndojnë bukurive të natyrës dhe jetës, duke na ftuar në një reflektim.
A i sheh puthjet në perëndim? Pikat e shiut që bien ti a i sheh? Jane per ty, a i sheh? Lotët që rrjedhin nga nje gëzim buzeqeshjet e nje femije ti a i sheh? Janë për ty, a i sheh?
Risjellim në vëmendje se pas pjesëmarrjes së saj në festivalin e RTSH me këngën “Shaj”, që doli edhe kënga triumfuese, Arilena nuk ka publikuar projekte të reja.
E njëjta gjë vlen edhe për Albanin, i cili ndryshe nga sa jemi mësuar këtë vit nuk ka qenë shumë aktiv me prurje të reja.
Projekti i tij i fundit erdhi 5 muaj më parë, në bashkëpunim me Elgit Dodën dhe titullohet “Parajsa ime”.
Albani dhe Arilena janë njohur në “X Factor Albania 2”, ku këngëtari ishte pjesë e jurisë, kurse Arilena konkurrente. Ajo ngriti kupën e atij edicioni të kompeticionit, që i hapi asaj rrugën drejt industrisë së muzikës.
Voili, sot ajo po bashkëpunon me Albanin, me të cilin ka edhe miqësi të fortë.
