Një vit nga karriera e saj muzikore, Dua Lipa është një nga këngëtaret e rralla shqiptare të cilës i kushtohet një dokumentar.
Tetë minuta i kushton Lipës moderatori dhe krijuesi i dokumentarit, Jason King, për të treguar më tepër për arritjet, planet dhe arsyen pse Amerika është tokë kaq e rëndësishme për të.
Dokumentari i realizuar nga NPR u publikua sot, ndërsa në të flitet për jetën dhe pesë këngët e saj të publikuara gjatë një viti.
NPR në dokumentar përmend edhe nominimin e Lipës në BBC Sound of 2016, albumin e saj në shkurt të vitit tjetër dhe faktin se ajo mund të jetë një pop-star i lindur.
Dokumentari nis në momentin që këngëtarja është e ftuara e emisionit të Jimmy Fallon. Titulli “Dua Lipa dëshiron ta thyejë Amerikën” që i është vendosur dokumentarit, lidhet pikërisht me atë që Dua përmend para kamerës, dëshirën për të depërtuar në industrinë muzikore në Amerikë.
Një pjesë e mirë e dokumentarit është incizuar në Nju Jork. Gjatë tij përmendjet edhe babai i Duas, Dukagjin Lipa, i cili është gjithashtu një këngëtar i njohur në Kosovë.
Toni Braxton e Nelly Furtado janë vetëm dy prej emrave, që Dua i ka imituar kur ka qenë e vogël, e që më pas u bënë influencë për karrierën e saj. Në minutën e pestë shfaqet një pjesë nga koncerti i saj në në Prishtinë
Dokumentari tregon prapaskenat e koncerteve, ato të videoklipeve të saj, si dhe jetën e Duas jashtë kamerës. Ndërsa ai është regjistruar i gjithë nga 2 gushti i këtij viti.
