Janë publikuar pamjet e para të filmit më të ri të këngëtares Rihanna.
Në filmin e titulluar “Guava Island”, Rihanna luan bashkë me aktorin dhe këngëtarin Donald Glover, i njohur ndryshe si Childish Gambino.
Klipi i publikuar të mërkurën, shfaq bukuroshen e lindur në Barbados, 31 vjeç, dhe aktorin 35-vjeçar, në një ishull dhe në plazhet ekzotike.
Filmi i ri pritet të publikohet të shtunën, më 13 prill.
“Guava Island” zgjat një orë dhe fillimisht do të shfaqet në Festivalin e Muzikës dhe Arteve në Coachella, ku Glover do të performojë gjatë fundjavës.
Skenari është shkruar nga vëllai i Glover, Stephen, dhe është filmuar në Havanë, Kubë, ku nuk kishte Wi-Fi në të gjitha zonat.
