Pak javë pasi publikoi bashkëpunimin me reperin Mc Kresha, këngëtari Alban Skënderaj ka gati surprizën e rradhës. Bëhet fjalë për një këngë të re, e cila pritet të publikohet ditën e nesërme.
Mirëpo surpriza nuk është këtu, por në faktin se kënga do të jetë në bashkëpunim me reperin Noizy.
Ishin vetë artistët që kanë publikuar një pjesë të vogël të videoklipit, duke lajmëruar se kënga me titull “Drejt Suksesit” do të publikohet nesër. Më herët, burime për emisionin “Chaud Patate” bënë të ditur se kënga është krijuar nga vetë Alban Skënderaj dhe do të trajtojë një temë sociale. Mezi presim ta dëgjojmë nesër!
