Deputetja e “LSI”–së, Monika Kryemadhi ndodhet në SHBA për dasmën e djalit të dajës, ndërsa kreyparlamentari Ilir Meta, e anuloi vizitën pasi do të zhvillojë një takim me përfaqësuesit e PE. Por Kryemadhi ka shuar kuriozitetin dhe ka treguar momente nga dasma :
“Jam e lumtur dhe krenare, që në dasmën e djalit të dajës tim, Besartit, në SHBA, megjithëse të ikur prej dekadash të tëra, vazhdojnë të ruhen traditat e bukura shqiptare, por edhe lidhjet e forta me njëri-tjetrin e me familjen. Ne, shqiptarët jemi një komb shumë krenar dhe të lidhur fort me traditat tona që vijnë që nga lashtësia.
Kushërira jonë, Bebe Rexha ishte ajo që iu dedikoi një këngë që e shoqëroi Besartin dhe Fatjonën në vallëzimin e tyre të parë si çift i sapomartuar.
Urime të dyve e jetë të lumtur së bashku”!
Dje ajo publikoi një video ku shfaqej çifti duke kërcyer, ndërsa sot ka postuar një foto me familjarët e saj, këngëtaren e famshme Bebe Rexha dhe vajzën e saj të vogël.
Më e lumtur nga të gjithë duket Era. Bebe e ka lejuar të luajë me qenin e saj dhe ka shpërndarë në “Snapchat” video të tyre. Edhe herë të tjera Bebe ka treguar se ka një marrëdhënie të ngushtë me vajzën e kryeparlamentarit, ndërsa vajza e vogël është një fanse e zjarrtë e kushërirës .
