Një postim për Xhemi Shehun në faqen e Instagramit të Revistës Class të Alketa Vejsiut, po bën namin në rrjetet sociale prej orësh tashmë!
Kjo pasi terminologjia e përdorur për atë që Class e quan “bukuroshja e ekranit”, nuk duket të jetë aspak komplimentuese por ironizuese.
Postimi lidhet me një foto ku Xhemi shfaqet në fillimet e karrierës së saj në televizion, me kaçurrela. Në të thuhet se Xhemi nuk është keq me humorin, madje është më mirë në humor sesa në prezantim, ku ka rivale të forta.
Class ka përmendur edhe emrin e rivales së Xhemit, në një koment, ku shkruan se është Arbana Osmani, pa përmendur atë të Alketës, e cila s’ka nevojë fare të përmendet pasi është e përfshirë në këtë çështje, me ose pa dashje.
Kjo pasi jo më larg se 2 javë më parë, ishte Xhemi ajo që ironizonte Alketën në një video të publikuar nga Salsano Rrapi, ku moderatorja shprehej se duhej të ndërrohej, pasi nuk mund të qëndronte më shumë se 5 minuta me të njëjtën veshje.
Ndërrimi i shpeshtë i Alketa Vejsiut në Festivalin e Këngës, u kthye në subjekt diskutimi për ditë të tëra, dhe reagimi i një moderatoreje të njohur si Xhemi Shehu për këtë, nuk mund të rrinte pa një përgjigje, aq më tepër që Xhemi ironizoi Alketën edhe si këngëtare kur tha “S’dua të dëgjoj këngë për 1 vit”.
Më konkretisht ja çfarë shkruhet për Xhemin:
“Në arkivat e revistës ndjemë nostalgji për bukuroshen e ekranit!
Mendojmë që tre gjera i shkojnë Xhemit!
- Me këto flokët me rrica duket shumë kinge! Gjithmonë e bukur Xhemi!
- Pseudonimi “Xhemile” i shkon shumë Xhemës tonë!
- Edhe si aktore humori mund të fitonte një kupë në ”Golden Globes”! Nuk është keq me humorin edhe pse në hapat e parë të karrierës! Më mirë se në prezantim madje! Në prezantim ka rivale të forta kështu që i sugjerojmë të merret seriozisht me karrierën e aktores së humorit! Ka të dhëna të mira aty! Me ndihmën e Salsanos rolin e “Gagaçes” do ta qante!
Postimi është plotësisht dashamirës! Xhemin Xhan! Juve si ju duket më mirë ? Dikur apo Sot?”
Kaq mjaftoi që ndjekësit të nisin menjëherë debatin. Disa prej tyre krahasojnë operacionet e Alketës dhe Xhemit, të tjerë ankohen për fshirjen e komenteve, disa e quajnë “hakmarrës” këtë postim.
Si për të dhënë një përgjigje për të gjithë ata që mendojnë se e ka shkruar Alketa këtë status, vjen dhe një koment nga Revista Class:
“Bëji të fala Xhemit dhe thuaj që Alketa e ka deleguar revistën tek të tjerë!”
“Ne po bëjmë shaka. Joo ne nuk hakmerremi! Ne thjesht argëtohemi. Xhemi na e ka mësuar këtë”, vijon përgjigja e radhës.
Do thoni ju që shakaja është gjysma e të vërtetës!
Epo nuk do mend të të kuptosh se çdo gjë bëhet/shkruhet/thuhet për një arsye!
