Velibor Manev, 3 nga 4 të dyshuarit për rrëmbimin dhe vrasjen e Vanja Gorçevskës, të cilët ndodhen në burgun e Shutkës kanë pranuar fajin dhe rolin e tyre në këtë krim të tmerrshëm.
Ata ndodhen në burg ku edhe janë përballur me të burgosurit e tjerë.
“Si mund të vrasësh një fëmijë”, “Pse?”, “Pse vrave një fëmijë?”, kanë qenë disa nga pyetjet që iu kanë bërë të dyshuarve, të burgosurit në Shutkë.
Përgjigja e Manev ishte: “Më duheshin para për dasmën”. Dhe kjo përgjigje i revoltoi edhe më shumë të paraburgosurit, të burgosurit dhe punonjësit.
Manev, pasi u zbulua se ishte një nga fajtorët për vdekjen e Vanjës, tha se ai është baba i dy vajzave. Njëra është e martuar dhe madje ai ka një nip, ndërsa vajza tjetër ishte beqare.
Velibor Manev dhe i dyshuari kryesor Ljupço Palevski Palço kanë qenë miq të ngushtë dhe kanë shpërndarë foto të përbashkëta në rrjetet sociale.
Burime të mediave të vendit fqinj thonë gjithashtu se pyetje të ngjashme i janë drejtuar edhe babait të Vanjës, Aleksandër Gorçevskit. ‘Si munde t’ja bësh këtë tmerr fëmijës tënd?!”, e kanë pyetur Aleksandrin, por mësohet se ai në Shutkë vetëm ka heshtur.
