Dy adoleshente u ndaluan nga agjentët e “United Airlines” dhe nuk mund të hynin në avion, sepse nuk ishin veshur si duhet, pasi ishin me streçe. Një dëshmitare e cilëson situatën si “një sjellje seksiste për dy vajzat”, ndërsa më pas në këtë ngjarje u përfshi edhe modelja Chrissy Teigen.
“Unë kam udhëtuar në SHBA me kuptimin e plot të fjalës pa pantallona. Vetëm me një bluzë si fustan. Herën tjetër do të vesh vetëm pantallona xhinse dhe një shall”, tha Chrissy Teigen.
Udhëtaret e ndaluara ishin pjesë e programit, që lejon të afërmit dhe miqtë e punonjësve të linjës ajrore të udhëtojnë falas ose me çmime shumë të lira.
Ku qëndron kleçka? Vendosja e një kodi strikt veshjeje. Vetë kompania ajrore reagoi përmes një deklarate:
“Kur përfitojnë nga kjo ulje, të gjithë punonjësit dhe të afërmit/miqtë e tyre konsiderohen përfaqësues të “United Airlines”. Dhe si shumica e kompanive, ne kemi një kod veshjeje që u kërkojmë të ndjekin. Për klientët tanë të rregullt, streçet janë të mirëpritura”.
Kompania duket se nuk i urren këto veshje, por nuk dëshiron që ta lidh imazhin e saj me atletikën.
Në përgjithësi, etika e veshjes në aeroport është një temë shumë e debatuar. Shumica prej nesh zgjedh veshjet me të cilat ndihen komode, ndërkohë që për celebrities nuk ka rregulla, mund të kujtojmë shumë mirë Bella Hadid me reçipeta.
Rregullat janë rregulla, por në një kohë kur të drejtat e femrave janë në përplasje me politikën dhe retorikën e urrejtjes, ndoshta kompania duhet të kishte bërë një qasje më të matur dhe të mos i kishte ndaluar vajzat kaq shpejt. Ndoshta një paralajmërim do të ishte vendimi më i mirë.
Në fund të fundit, kujt i intereson se çfarë vesh dikush në aeroport, pavarësisht se është me një fustan të bukur, apo çfarëdo lloj veshje.
Burimi: Vogue
