Tharja e syrit është një problem që ndikon në shumë njerëz, sidomos ata që kalojnë shumë kohë përpara ekranit. Ky shqetësim ndodh kur syri nuk prodhon mjaftueshëm lot për ta mbajtur të lubrifikuar, dhe shpesh shkakton djegie, kruarje dhe lodhje të syve. Shumë njerëz përjetojnë këtë ndjesi pas përdorimit të tepërt të telefonave celularë dhe kompjuterave, si dhe gjatë udhëtimeve me avion ose kur qëndrojnë në ambiente me ajër të kondicionuar.
Simptomat e tharjes së syrit
Simptomat e zakonshme përfshijnë: kruarje, djegie, ndjeshmëri ndaj dritës, ndjesinë e të paturit një lënde të huaj në sy, dhe lodhje të syrit. Në disa raste, mund të ndodhë edhe mjegullim i shikimit. Për të lehtësuar këtë ndjesi të parehatshme, ekspertët rekomandojnë disa kura natyrale që mund të ndihmojnë në hidratimin e syve.
Kurat natyrale kundër tharjes së syrit
Një nga mënyrat më të mira për të përmirësuar shëndetin e syve është konsumimi i ushqimeve të pasura me acide yndyrore omega-3, të cilat stimulojnë prodhimin e lotëve. Përveç ushqimeve, disa produkte natyrale mund të përdoren për trajtimin e tharjes së syve nga jashtë.
- Vaji i Arrës së Kokosit: Ky vaj ka efekte zbutëse dhe lufton inflamacionin. Aplikoni disa pika vaji mbi zonën rreth syve dhe fërkojeni për disa minuta.
- Kastraveci: Mbani feta kastraveci mbi sy për 15 minuta për të qetësuar djegien dhe kruarjen.
- Kosi: Konsumimi i kosit ndihmon në forcimin e syve dhe lehtësimin e kruarjeve.
- Kompresa të Ngrohta: Mbani kompresë të ngrohtë mbi sy për 7 deri në 8 minuta për të stimuluar qarkullimin e gjakut dhe për të nxisë prodhimin e lotëve.
Përmirësimi i shëndetit të syve kërkon përkujdesje dhe disa ndryshime të thjeshta në mënyrën e jetesës, por kurat natyrale janë një opsion i shkëlqyer për të lehtësuar simptomat e tharjes së syve.
