Vesa Luma është ndër të rrallat personazhe të showbiz-it shqiptar, e cila ka ruajtur pamjen e saj natyrale dhe ka preferuar të mos tundohet nga operacionet apo ndërhyrjet estetike.
Sigurisht, ajo nuk e ka parë tepër të nevojshme të bëjë ndërhyrje të tilla, mirëpo dikush mendon se Vesa e ka bërë diçka të tillë!
Në njërin prej komenteve në profilin e këngëtares në Facebook, një vajzë pretendon se Vesa ka bërë buzët, madje e quan atë të shpërfytyruar.
“Cfarë i ke bërë buzëve moj aman? Pse shpërfytyroheni me zor?”- i shkruan ndjekësja të cilës këngëtarja nuk ia vonoi një përgjigje:
“S’i kam bërë asgjë. Mendova t’i bëj, pastaj m’u kujtua që duhet të vë maskë, më kishin shku lekët kot.”- ia kthen Vesa me humor.
Emergjenca Covid-19 s’dihet sa do të zgjasë, ndaj vajza mendohuni edhe njëherë para se të bëni buzët (sigurisht nëse e keni në plan)!
