Bërja publike e fotografive të Beartit dhe Teas, solli përpos komenteve të publikut, edhe reagimin e konkurrentëve dhe ish-konkurrentëve të “Për’puthen”. Së fundmi, përmes një postimi në Instagram Story ka reaguar edhe ish-pjesëmarrësi në emision, Erjon Geca.
“Lindin disa pyetje, pse nusja jonë mbajti 3 lidhje gjatë emisionit, njërin sekret, tjetrin për publik dhe tjetrin gjasme seriozisht?” shkruan ai në InstaStory.
Kështu, Erjoni e akuzon Tean për mbajtjen e tre romancave paralele.
“STOP Ahengun, të marrim vesh kush është dhëndri këtu A,B,C?”- shprehet Geca.
I pari që reagoi pas protagonistëve të përfshirë në ngjarje ishte Elvisi, i cili ironizoi hapur lojën që Tea dhe Andi bënë me njëri-tjetrin.
“S’e kisha menduar kurrë se do falënderoja publikisht Tean që zgjodhi Andin, por ai moment erdhi”, shkroi Elvisi përkrah një fotografie të Teas dhe Beartit që puthen në buzë.
Po ashtu pati një reagim nga Fation Kuqari, i cili u shpreh në një postim në Instagram se kjo nuk është asgjë, duke i bërë fansat të dyshonin se ai po paralajmëronte Melisën për diçka. Më pas erdhën reagimet nga vajzat e tjera të programit.
“Të them të drejtën, nuk di çfarë të mendoj në lidhje me këtë temë. Do të dëshiroja të prisja një koment nga vetë protagonistët. Ju mund të thoni gjithçka për Shqipen, por gënjeshtra i paska këmbët e shkurtra, nuk e mohoni dot. Jam e zhgënjye”, u shpreh Sindi.
Ndërkohë, Ana Kauri pak pas publikimit të skandalit, postoi këngën e Dafina Zeqirit, “Zili zili”, teksa këndonte “Ju kanë rrejt, ju kanë bo budall“.
Edhe ditën e djeshme ajo bëri një tjetër reagim, që u duk si një thumb i drejtpërdrejtë për Tean. Kauri publikoi në Instagram një video të shkurtër, shkëputur nga një takim që Tea dhe Andi kishin me njëri-tjetrin javë më parë. Ana u shpreh asokohe se dukej që mes tyre nuk kishte asnjëlloj pëlqimi, sepse në të kundërt ata do të dilnin bashkë si çift nga emisioni prej kohësh. Ndërsa Tea e konsideroi Anën si xheloze në ato momente.
“Ana ti je thjesht xheloze!”, shkroi ajo përkrah videos shoqëruar me disa emoji duke qeshur me lot.
