Kujtim Koxha, 51-vjeçari që vrau tre persona në Mat, u arrestua dje një orë pas ngjarjes së rëndë, ndërkohë që sot është zbardhur edhe motivi që çoi në tragjedi.
Kryeplaku i fshatit ka qenë në lokalin e fshatit Shëlli rreth ores 12:30, dhe në këtë kohë kanë ardhur punonjësit e Bashkisë, të cilët po punonin në një rrugë fshati, ku janë ulur për të ngrenë drekë në lokalin e fshatit.
Ai iu kërkoi punonjësve të Bashkisë ta shtronin rrugën deri tek shtëpia e tij, por ata refuzuan pasi projekti nuk e parashikonte këtë gjë.
Më pas shtetasi Erzen Aliaj u çua nga tavolina dhe doli jashtë lokalit ku dhe debatoi me shtetasin Kujtim Koxha, të cilin e goditi me shuplakë në fytyrë.
Në këtë kohë janë ngritur punonjësit e tjerë për t’i ndarë pasi shtetasi Kujtim Hoxha ishte në gjendje te dehur.
Pak minuta pas sherrit, autori është larguar në drejtim të banesës së tij ku ka marrë armën e zjarrit dhe pasi është afruar tek lokali ka qëlluar punonjësit të cilët po konsumonin drekë.
Pas krimit të kryer Koxha është larguar drejt pyllit të fshatit Burgajet, ku si rezultat i ndjekjeve të pandërprera, është arrestuar.
Në vendin e ngjarjes grupi hetimor sekuestroi armën e krimit tip automatik model 56 kalibër dhe 11 gëzhoja dhe një krëhër me 18 fishekë.
Mentor Hoxha, (i vrarë në vend) Erzen Aliaj dhe Hamit Buçi (ndërruan jetë në spital) mbetën viktima të sulmit me armë. I plagosur është shtetasi Astrit Hani.
