Teshtima është një refleks gjysmë-autonom që konsiston në një emetim të shpejtë, të papritur dhe të zhurmshëm të ajrit përmes hundës dhe gojës.
Shkaktohet nga stimulimi dhe irritimi i fundeve nervore të mukozës së hundës. Është, në fakt, një veprim mbrojtës që shërben për të çliruar rrugët e frymëmarrjes nga grimcat irrituese me të cilat kanë rënë në kontakt. Por kjo s’është e gjitha.
Ajo mund të shoqërohet edhe me alergji sezonale ose është një simptomë e një gripi ose infeksioni viral ose bakterial.
Pse mund të jetë e rrezikshme ta mbash teshtimën?
Nëse e mbytim teshtimën, presioni në rrugët e frymëmarrjes rritet pesë deri në 20 herë më shumë se në një teshtimë normale.
Ajri i presuar që kërkon një rrugëdalje mund të shkaktojë disa dëme, si probleme me sinusin, këputje të kapilarëve në sy, dëmtime në veshin e mesëm dhe në veshin e brendshëm, këputje të veshit, infeksione.
Prandaj, është gjithmonë mirë ta shmangim ‘mbytjen’ e një teshtime. Kjo mund të parandalohet duke trajtuar alergjitë ose duke shmangur ekspozimin ndaj irritimeve.
