Ditën e djeshme, këngëtarja e talentuar shqiptare Bleona Qereti të cilën së shpejti do ta shohim si aktore, publikoi një foto nga xhirimet që po bëheshin për serialin e famshëm amerikan “Paper Empire”. Ajo shfaqej mjaft sexy me një fustan të bardhë më mëngë të gjata, të hapur në pjesën e dekoltesë dhe të shkurtër.
Por, Bleona nuk u mjaftua me një foto dhe publikoi edhe një tjetër.
Kësaj here shfaqej në shoqërinë e mikut të saj Robert Gillings, i cili është shkrimtar me famë botërore dhe të asistentes së produksionit të filmit.
Mirëpo një koment i cili ka tërhequr vëmendjen e të gjithëve ka qenë ai i një ndjekësi i cili shkruante: “Pse je katandisur kështu? Nuk e shikon atë shoqen si është veshur. Pse na turpëron si Shqipëri?”
Ndërkohë reagimi nga ana e Bleonës ka qenë i menjëhershëm dhe si duket nga fjalët e shkruara, ajo është inatosur tej mase: “O ti hajdar, na fal që të ‘turpërova’, po unë jam me veshjen e filmit se jam me xhirime, kurse ajo ‘shoqja’ është një nga asistentet e produksionit në film. Teknikisht personi që më sjell kafenë. Po pse harxhoj frymën unë me ty dhe nuk ta bëj bllok ashtu siç e meriton ti ‘nona e moralit’, atë nuk e kuptoj.”
Këngëtarja më pas i ka fshirë të dyja komentet e mësipërme. Edhe të sajin, edhe të komentuesit!
