Modelja Arbenita Ismajli tregon vazhdimisht në rrjete sociale sa krenare është për fenë e saj dhe shpesh ngre zërin për myslimanët, duke i treguar botës besimin që ka në zemër.
Mirëpo, dikush ka vënë re se pavarësisht deklaratave si myslimane, Arbenita ka vendosur një varëse me kryq dhe për këtë fakt e kanë “kryqëzuar” në mesazhe.
Ndjekësit e shohin të paarsyeshëm veprimin e Arbenitës, ndaj modelja i është detyruar një shpjegim.
Ajo tregon se për të, kryqi s’do të thotë asgjë, pasi është thjesht një varëse dhe asgjë më shumë.
Bukuroshja tregon se besimi i saj është në zemër, ndërsa aksesorët e vendosur janë të detyrueshëm për shkak të punës.
“Nëse je myslimane s’duhet të mbash një kryq në varëse dhe nëse mban një të tillë s’je myslimane. Mos e ndot fenë tonë me varësen tënde të shëmtuar!”- i shkruan një ndjekëse, të cilës Arbenita ia kthen:
“Para se të më japësh mend, a je e mbuluar? Varësja me kryq është aksesor i stilistëve kur punoj për Boohoo. Është thjesht një varëse për mua, ndaj qetësohu! Nuk e vendos për qejf, kryqi s’do të thotë asgjë për mua!”
Gjithashtu modelja shton:
“Dhe meqë ra fjala, i respektoj të gjitha besimet, sepse këtë më mësoi Islami!”
