Rudina Hajdari ka folur hapur sot në lidhje me kritikat e mëdha të mediave për fjalimet e saj në publik, që kanë tërhequr vëmendje jo pak herë!
E ftuar në “E Diell”, politikania shqiptare tregoi se e ka pasur shumë të vështirë në fillim duke qenë se ishte mësuar të mendonte në anglisht, pas jetesës në Amerikë.
Por ajo tregon se ka punuar shumë dhe është praktikaur shumë dhe beson se tani ia ka marrë dorën.
“Patjetër që unë kam pasur shumë emocione sidomos në fillim. Ishte e vështirë, kisha qëndruar në Amerikë për një kohë të gjatë dhe mendimet me vinin në anglisht. Isha mësuar dhe ëndrrat i shikoja në anglisht. Por gjithsesi kam punuar shumë me veten pse të gënjej. Kam punuar shumë dhe kam lexuar, kam praktikuar shumë dhe besoj se ia kam dalë”.
Rudina shprehet se e dinte që fjalimi në publik ishte pika e dobët e saj, ku mediat kapeshin gijthmonë:
“Ishte gjithmonë e vetmja pikë që mediat sidomos, më godisnin, dhe thoja ‘ëhë, kur ta superoj dhe këtë çfarë do të thonë pastaj’”!
E pyetur se çfarë përjeton kur shikon memet në mediat sociale, Rudina u shpreh se në fillim mërzitej:
“Në fillim mërzitesh, pastaj më thonin se sa më shumë përflitesh aq më mirë është, dhe i futa një mendje të lehtë”!
