Edhe pse Jada Pinkett dhe Will Smith kanë qenë një prej çifteve më të pëlqyera në Hollywood tashmë mesa duket kjo gjë ka ndryshuar.
Në komente të ndryshme në rrjete sociale të shumtë janë ata që ndihen mjaft të bezdisur dhe madje sugjerojnë që Jada Pinkett të mos intervistohet më sepse çdo ditë e më shumë po shton detaje tronditëse dhe të habitshme që askush nuk i priste dhe nuk i kishte menduar kurrë.
Dyshja janë ndarë prej 7 vitesh edhe pse ata kanë kërkuar që të mos bëjnë ndonjëherë një divorc ligjor. Në fakt, ata janë drejt një “partneriteti jetësor” të shëndetshëm dhe madje mund të jetojnë përsëri në të njëjtën shtëpi.
Kjo ka bërë që fansat në dukje të lodhen duke u përpjekur të kuptojnë veprimet e çiftit.
Pavarësisht gjithë zhurmës së javëve të fundit, dyshja dukeshin më mirë dhe më të lumtur se kurrë në festën e ditëlindjes së nënës së Pinkett Smith.
