Shfaqja e modës së “Victoria’s Secret” është vetëm pak javë larg, që do të thotë se të gjitha modelet janë ende duke u përgatitur.
Ndërsa ju mund të imagjinoni nervozizmin e imazheve të reja, që do të shkelin në pasarelë për herë të parë. Por edhe modelet me eksperiencë si Bella Hadid pranojnë se ndihen nën presion.
Por nervozizmi i Bella-s për shfaqjen e ardhshme nuk vjen nga arsyeja që ju mendoni. Sepse do të shikojë ish-të dashurin e saj The Weeknd në skenë? Do të shkelë në pasarelë me taka super të larta? Jo, asnjë nga këto nuk është problemi i saj.
Në të vërtetë, sipas “People”, Bella është shumë e shqetësuar në përmirësimin e buzëqeshjes 100-vatëshe të modeleve të “Victoria’s Secret”, për të cilat janë të njohura.
“Nuk jam një person me buzëqeshje shumë të mirë. Duhet ta praktikoj shumë”, rrëfehet 19-vjeçarja. Por masat që ka marrë janë të mrekullueshme.
“Duhet të mbyllja derën e shoqes së ngushtë dhe të vendosja një pasqyrë të madhe para saj, në mënyrë që ajo mos të dilte nga dhoma dhe kështu që kisha një pjesë të apartamentit ku mund të ecja dhe të praktikohesha. Është perfekte për mua, por në fakt ajo nuk mund të dilte nga dhoma”, shpjegon Bella. Me aq sa dimë, praktika e bën diçka perfekte dhe jemi të sigurt që Bella do të dalë si një profesioniste.
Burimi: Teen Vogue
