Kreu i qeverisë ka refuzuar titullin “Qytetar Nderi” që i kishte vendosur Këshilli Bashkiak i Dibrës.
Në një reagim të Kryeministrisë thuhet se Edi Rama e falenderon Këshillin Bashkiak për vlerësimin, por thotë se ka qenë gjithmonë kundër titujve.
“Kryeministri Rama ka qenë, mbetet dhe do të jetë gjithmonë kundër titujve honorifikë për politikanet në detyrë. Duke falenderuar tëgjithë ata që mund të jenë nisur për mirë, Kryeministri Rama e refuzon titullin e qytetarit të nderit, dhënë sot nga Bashkia Dibër”, thotë zyra e shtypit të Kryeministrit.
Propozimi ishte bërë anëtari i pavarur i këshillit bashkiak Astrit Ademi, biznesmen në Dibër, ndërsa është mbështetur nga anëtarët socialistë që kanë shumicën në bashkinë e drejtuar nga Muharrem Rama, i zgjedhur nga PS-ja.
/Gazeta Reforma
