Kërkimet nuk kanë vërtetuar se ka ndonjë ditë më depresionuese se të gjithë të tjerat, por në të vërtetë është një marifet që fatkeqësisht është krijuar në kulturën moderne.
E krijuar në vitin 2005 nga kompania e udhëtimeve në Mbretërinë e Bashkuar, termi Blue Monday zakonisht i referohet të hënës së tretë të janarit.
Asokohe, kompania njoftoi se kishte arritur në përfundimin se, bazuar në një ekuacion që përdor faktorë si moti, borxhi, paga mujore dhe sasia e kohës që nga pushimet, nivelet e “lumturisë” ishin më të ulëtat të hënën e tretë të vitit.
Pra, a është e hëna blu me të vërtetë dita më dëshpëruese e vitit?
Shkurt: Jo. Ishte një marifet marketingu për të shitur paketa udhëtimesh. Por, pse flitet ende për të? Ndoshta sepse lidhet me diçka që shumë njerëz e ndiejnë. Mund të jetë një simptomë e një gjendjeje të vërtetë mjekësore që njihet si çrregullim afektiv sezonal (SAD).
Kalkulimet e psikologëve lidhen me faktin se, gjatë kësaj kohe, ju mund të keni ndjenja trishtimi dhe të ndiheni melankolikë, mund të “përjetoni ndjenjë depresioni ose pakënaqësie të thellë që lidhet me përjetimin e të ftohtit”, duke mos harruar atë rreth njerëzish që kanë marrë borxhe ose kanë mbaruar paratë pasi kanë shpenzuar për festa.
Janari mund të jetë një kohë depresive për shumëkënd pasi historikisht regjistrohet rritje e numrit të divorceve apo njerëzve që braktisin punën.
