Me siguri Albi Nako nuk do ta kishte menduar ndonjëherë se do të pushonte mediat, për lajmet rreth jetës së tij private. Por deklarata e ish-bashkëshortes së tij, Klaudia e cila e quajti “vëlla“ teksa po i bënte një videomesazh surprizë nxiti komentet negative në rrjetet sociale, javën e kaluar.
“Momenti emocional imi nuk ishte për frazën, ishte nga distanca, nga një kohë e gjatë që s’jemi parë edhe u preka. Unë e thashë dhe në emision që isha i papërgatitur. Nuk ndjeva asgjë nga fjala. Mos të lëntë Zoti pa motër në jetë! Vëllai është ai që të jep ajër kur trishtimi të zë frymën, është dashuria e përjetshme”, u shpreh Albi gjatë emisionit “Xing”.
Pas lajmit për ndarjen e çiftit, janë përfolur arsye të ndryshme, ku disa bëjnë fajtore Klaudian, e disa të tjerë Albin. Shumë prej jush kanë menduar dhe me të drejtë, që një arsye ka qenë distanca e largët, Klaudia në Itali dhe Albi në Shqipëri.
Ai tregoi arsyen se përse nuk e ka ndjekur Klaudian në rrugëtimin e saj në Itali.
“Rrugëtimi që kishte bërë Klaudia nuk kishte kuptim për t’u kthyer. Unë jam një djalë i rritur me shumë dashuri nga prindërit, dhe sot ata janë në një moshë të thyer . Unë jam djali i vetëm dhe unë për asnjë motiv në jetë nuk do t’i lija ata kurrë“, u shpreh Albi.
