Një lajm i trishtë na vjen nga radhët e Partisë Socialiste, ku kryetarja e FRESSH-it në Njësinë nr.6 në Tiranë, është ndarë nga jeta në një moshë shumë të re.
Lajmin e kanë dhënë kolegët e saj dhe miqtë në rrjetet sociale ku shprehin ngushëllimet për humbjen e Rajselda Hamzës.
Mes mesazheve të shumta nuk ka munguar dhe ai i deputetit të Partisë Socialiste, Eljo Hysko, i cili shkruan se nuk e beson ende që Hamza të ketë ikur nga kjo botë.
“Ende nuk e besoj dot që kjo është e vërtet! U largove shumë herët e mira Rajs! Paqja qoftë me ty!’, shkruan deputeti.
Nuk dihet me saktësi se cila ka qenë arsyeja e ndarjes nga jeta parakohe të aktivistes socialiste në Tiranë. Përcjellja e saj për në banesën e fundit do të bëhet sot, e hënë, 15 korrik.
