Banorët e Unazës së Re po vijojnë edhe mbrëmjen e sotme rezistencën për mbrojtjen e shtëpive të tyre.
Protesta vjen një ditë pasi Policia arrestoi gjashtë banorë protestues në rrugën “Teodor Keko”.
Në protestën e sotme vihet re që Policia e Shtetit ka shtuar forcat në terren duke e “blinduar” tërësisht zonën.
Në formë simbolike protestuesit kanë lidhur duart me zinxhirë.
Në terren ndodhen edhe ish-deputetë të Partisë Demokratike, si Klevis Balliu, që e ka konsideruar të paligjshëm arrestimin e protestuesve.
